پاکستان: شرح سود کم کر دیا گیا، سٹیٹ بینک کا اعلامیہ

اسٹیٹ بینک آف پاکستان نے شرحِ سود میں 2 فیصد کمی کا اعلان کر دیا۔

ایک اعلامیے کے مطابق پالیسی ریٹ ساڑھے 19.5 فیصد سے کم کر کے 17.5 فیصد کر دیا۔

یہ فیصلہ اسٹیٹ بینک آف پاکستان کے مانیٹری پالیسی کمیٹی کے اجلاس میں کیا گیا، جس میں ملک کی معاشی صورتِ حال کا جائزہ بھی لیا گیا۔

اسٹیٹ بینک کے مطابق 2 ماہ میں مہنگائی میں اضافےکی شرح تیزی سے کم ہوئی ہے، تیل اور غذائی اجناس کی عالمی قیمتوں میں بھی کمی ریکارڈ کی گئی ہے ، کاروباری اعتماد بہتر ہوا ہے۔

اسٹیٹ بینک کا کہنا ہے کہ اگست میں سیمنٹ اور پیٹرولیم مصنوعات کی فروخت بڑھی ہے۔

اسٹیٹ بینک کے اعلامیہ کے مطابق جاری کھاتوں کا خسارہ 20 کروڑ ڈالر تک محدود ہے، پاکستان کا قرض۔جی ڈی پی تناسب 75 فیصد سے کم ہوکر 67.2 فیصد ہوگیا، نجی شعبے کی قرض لینے کی شرح بڑھ سکتی ہے۔

اعلامیہ میں مزید کہا گیا ہے کہ رواں مالی سال اوسط مہنگائی تخمینے سے کم رہنے کا امکان ہے۔