ناروے: اوسلو میں یورپین شاہرہ ای18 پر ٹریفک حادثہ ، ایک شخص شدید زخمی، ہسپتال منتقل کر دیا گیا

اوسلو( اردو ٹریبیون)  دارالحکومت اوسلو میں یورپین شاہرہ ای 18 پر تیز رفتاری کے باعث  کار دیوار سے ٹکرا گئی۔  حادثے میں ایک شخص شدید زخمی ہو گیا جس سے فوری طور پر ہسپتال منتقل کردیا گیا ہے۔

پولیس کے مطابق بدھ کی رات ای- 18 پر ایک تیز رفتار کا بے قابو ہو کر سڑک کے کنارے دیوار میں ٹکرا گئی ۔

پولیس کو شبہ تھا کہ حادثہ  دو کاریں ٹکرانے کے باعث ہوا تاہم مزید تحقیات اور ویڈیو کلپس دیکھنے کے بعد یہ انداہ غلط ثابت ہوا۔ اس حوالے سے آپریشنز مینیجر”بیارنے اینڈال پیدرسن” کا کہنا تھا کہ ہمیں شبہ ہے کہ یہ ریس ہوسکتی ہے یہ حادثہ تب ہوا جب کار ای 18 پر “لیساکر” کے ایگزٹ سے باہر نکلتے ہوئے اینٹوں کی بنی ہوئی دیوار سے ٹکرا جاتی ہے۔

پولیس کو جن دو افراد پر ریسنگ کا شبہ ہے ان دونوں  کی عمر20 سال ہے۔ تاہم پولیس نے دونوں ڈرائیور کے لائسنس عارضی طور پر ضبط کر لیے ہیں۔