امریکی ریاست آرکنسا میں مسلح شخص کی فائرنگ سے 3 افراد ہلاک ،10 زخمی ہوگئے
مقامی پولیس کی بھاری نفری بھی موقع پر پہنچ گئی اور علاقے کی مکمل ناکہ بندی کر دی،حملہ آور کو بھی زخمی حالت میں گرفتار کر لیا گیا۔
پولیس نے شہریوں کی لاشوں اور زخمی ہونے والوں کو ہسپتال منتقل کر دیاہے۔
امریکی ریاست آرکنسا کے شہر فارڈائیس میںمسلح شخص نے جنرل اسٹور پر گھس کر فائرنگ کر دی جس کے نتیجے میں 3 افراد ہلاک اور 10 افراد شدید زخمی ہو گئے۔غیر ملکی میڈیا کے مطابق اسٹور میں موجود افراد گولیاں لگنے سے زخمی ہوئے جن میں سے 3 شہری موقع پر ہی دم توڑ گئے۔
امریکی گن وائلنس آرکائیو کی وضع کردہ تشریح کے مطابق حملہ آور کے علاوہ کم از کم 4 افراد کو گولیاں لگنے کے واقعے کو ماس شوٹنگ قرار دیا جائے گا۔
فائرنگ کے واقعے کے بعد مقامی پولیس کی بھاری نفری بھی موقع پر پہنچ گئی اور علاقے کی مکمل ناکہ بندی کر دی۔ پولیس کی جانب سے حملہ آور کو بھی زخمی حالت میں گرفتار کر لیا گیا۔
اب تک امریکہ میں 2024 کے آغاز سے اب تک 234 ماس شوٹنگ کے واقعات رپورٹ ہو چکے ہیں۔
