برطانیہ: بیڈ فورڈ میں کونسلر چوہدری مسعود احمد کی میزبانی میں پروقار شاہ ہمدان کانفرنس کا انعقاد
اردو ٹریبون ( برطانیہ) انگلینڈ کے شہر بیڈ فورڈ میں کونسلر چوہدری مسعود احمد کی میزبانی میں پروقار شاہ ہمدان کانفرنس کا انعقاد کیا گیا۔ کانفرنس میں پیر آف بھنگالی شریف گوجر خان سید جابر علی شاہ ہمدانی کی خصوصی دعوت پر ناروے سے چوہدری اسماعیل سرور گجر اور چوہدری قیصر گجر کے علاؤہ سینکڑوں افراد کی شرکت ۔ کانفرنس کی صدارت حضرت پیر سید جابر علی شاہ ہمدانی نے فرمائی جبکہ خصوصی خطاب صاحبزادہ سید اسد اللہ شاہ ہمدانی کا تھا۔
کانفرنس کے دیگر علمائے کرام میں ناروے سے حضرت مفتی محمد زبیر تبسم نے خصوصی طور پر شرکت کی،اسی طرح علامہ حسن اختر الازھری،علامہ پروفیسر مسعود اختر ہزراوی،حضرت مولانا نیاز احمد صدیقی،مولانا نسیم شوکت اویسی، حضرت مولانا حافظ تنویر احمد،امام کامران نواز نے خطابات فرمائے،
نعت رسول مقبول صلی اللہ علیہ وسلم معروف نعت خواں سید الطاف حسین شاہ کاظمی نے پیش کی۔ اس موقع پر اپنے خطاب میں پیر سید جابر علی شاہ ہمدانی اور دیگر مقررین نے شاہ ہمدان کی دین اسلام کے فروغ کے لیے خدمات کو زبردست الفاظ میں خراج عقیدت پیش کیا ۔
