صبح 10 سے شام 6 بجے تک دھند کے موسم میں بہترین سفری اوقات ہیں، سید عمران احمد ترجمان موٹروے پولیس، پاکستان
اردو ٹریبون (لاہور۔ پاکستان) موٹروے ایم 2 لاہور سے کوٹ مومن تک دھند کی وجہ سے بند کردگی گئی ہے، ترجمان موٹروے پولیس، پاکستان سید عمران احمد کے مطابق
لاہور عبد الحکیم موٹروے ایم 3 تک موٹروے ایم 5 شیر شاہ ملتان سے ظاہر پیر تک، لاہور سیالکوٹ موٹروے ایم 11کو دھند کی وجہ سے بند کر دیا گیا ہے۔
سید عمران کا کہنا ہے کہ موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے۔ دھند میں لین کی خلاف ورزی حادثات کا سبب بن سکتی ہے جبکہ روڈ یوزرز دھند میں لین ڈسپلن کو یقینی بنائیں۔
ترجمان موٹرویز پاکستان کا کہنا ہے کہ شہری زیادہ سے زیادہ دن کے اوقات پر سفر کرنے کو ترجیح دیں، صبح 10 سے شام 6 بجے تک دھند کے موسم میں بہترین سفری اوقات ہیں۔ ڈرائیور حضرات آگے اور پیچھےدھند والی لائٹس کا استعمال کریں اورعوام غیر ضروری سفر سے گریز کریں۔ عوام سے درخواست ہے کہ تیز رفتاری سے پرہیز کر یں اور اگلی گاڑی سے مناسب فاصلہ رکھیں۔
معلومات اور مدد کے لیے ہیلپ لائن 130 سے رابطہ کریں، سید عمران احمد ترجمان موٹروےپولیس
