تبت: تحریر: آمنہ انصاری ( ننھے لکھاریوں کے قلم سے)

تحریر: آمنہ انصاری

تبت

تبت، چین کا ایک صوبہ ہے۔ اس کے جنوب میں آسام، بھوٹان، سکم اور نیپال؛ مغرب میں کشمیر اور بھارتی ریاستیں (ہماچل پردیش، اتر پردیش)؛ شمال میں سنکیانگ؛ اور مشرق میں چین کے صوبے (کانسیو، پچوان) ہیں۔ اس کا دارلحکومت “لہاسا” ہے۔ اس کا کل رقبہ 1221000 مربع کلومیٹر اور 2019ء کی مردم شماری کے مطابق اس کی آبادی تقریبا 3 ملین ہے۔

تبت، چین کا ایک خود مختار علاقہ ہے اور جنوب مغربی چین کا حصہ ہے۔ 1912ء میں چین نے تبت کو آئینی لحاظ سے “تبت ایریا“ کے طور پر دعوی کیا تھا۔ 1951ء میں تبت کا “عوامی جمہوریہ چین” سے الحاق کے بعد، اس کی پوری سطح مرتفع چین کے زیر انتظام ہے۔ تبت انتظامی طور پر تبتی خود مختار علاقے اور چنگھائی، گانسو، یونان اور سیچوان صوبوں کے کچھ حصوں میں تقسیم ہے۔ تبت “عوامی جمہوریہ چین” کا صوبائی سطح کا علاقہ ہے۔ یہ “دنیا کی چھت“ کے نام سے جانا جاتا ہے۔

تبت، دور دراز اور بنیادی طور پر بدھ مت کا علاقہ ہے۔ تبت، تبتی لوگوں کا وطن ہے۔ اس کی سطح مرتفع پر کچھ دوسرے نسلی گروہ بھی آباد ہیں جن میں مونپا، تمانگ، کیانگ، شیرپا، لوبا کے لوگ اور 20 ویں صدی سے کافی تعداد میں ہان چینی اور ہوئی شامل ہیں۔ تبتی سطح مرتفع پر انسان کم از کم 21000 سال پہلے آباد تھے۔ یہ آبادی بڑی حد تک 3000 بی پی کے اردگرد شمالی چین سے آنے والے نیولیتھک تارکین وطن نے بدل دی تھی، لیکن پیلیولتھک باشندوں اور معاصر تبتی آبادیوں کے درمیان جزوی جینیاتی تسلسل موجود ہے۔

تبتی سلطنت 7 ویں صدی میں ابھری۔ 9 ویں صدی میں اپنے عروج پر، یہ سلطنت تبتی سطح مرتفع سے بہت آگے؛ مغرب میں “تارم طاس” اور “پامیر” سے لے کر جنوب مشرق میں “یونان” اور “بنگال” تک پھیل گئی۔ اس کے بعد تبت مختلف حصوں میں تقسیم ہو گیا۔ مغربی اور وسطی تبت کا بڑا حصہ اکثر تبتی حکومتوں کی ایک سیریز کے تحت لہاسا، شیگاٹسے یا قریبی مقامات پر کم از کم برائے نام متحد تھا۔ تبت کی موجودہ سرحدیں عام طور پر 18 ویں صدی میں قائم کی گئں تھیں۔ 1950 کی دہائی سے پہلے تبت بڑی حد تک باقی دنیا سے الگ تھلگ تھا۔ تبت کے علاقے نے 1951 تک اپنی خود مختاری کو برقرار رکھا، جب “چمدو کی جنگ” کے بعد “عوامی جمہوریہ چین” نے تبت پر قبضہ کر لیا تھا۔ “چمدو کی جنگ” چین کی طرف سے چمڈو کے علاقے کو ایک حقیقی آزاد تبتی ریاست سے چھیننے کے لیے ایک فوجی مہم تھی۔ تبت کی حکومت 1959 کی تبتی بغاوت کی ناکامی کے بعد ختم کر دی گئی۔ آج چین مغربی اور وسطی تبت  پر “تبتی خودمختار علاقے” کے طور پر حکومت کرتا ہے، جبکہ مشرقی علاقے اب زیادہ تر خودمختار علاقے سیچوان، چنگھائی، اور دیگر پڑوسی صوبوں کے اندر ہے۔

تبت میں غالب مزہب “تبتی بدھ مت” ہے۔ تبت کے دیگر مزاہب میں بون (“تبتی بدھ مت” کی طرح ایک مقامی مزہب)، اسلام اور عیسائیت شامل ہیں۔ “تبتی بدھ مت“ کا خطے کے فن، موسیقی اور تہواروں پر بنیادی اثر ہے۔

بدھ مت

بون

تبتی فن تعمیر چینی اور ہندوستانی اثرات کی عکاسی کرتا ہے۔ تبت میں اہم کھانے بھنے ہوئے جو، یاک کا گوشت اور مکھن کی چائے ہیں۔ حالیہ برسوں میں سیاحت کی ترقی کے ساتھ، خدمت کا شعبہ تبت کا سب سے بڑا شعبہ بن گیا ہے۔

تبت میں دنیا کے کچھ بلند ترین پہاڑ ہیں، جن میں سے ٹاپ ٹین کی فہرست میں شامل ہیں۔ نیپال کی سرحد پر واقع “مائونٹ ایورسٹ” کی بلندی 86۔8848 میٹر (29032 فٹ) ہے، جو زمین کا سب سے اونچا پہاڑ ہے۔ تبت میں “مائونٹ ایورسٹ” کا شمالی حصہ موجود ہے۔

مائونٹ ایورسٹ

تبت کی سطح مرتفع کئی بڑے دریائوں کا منبع ہے (زیادہ تر موجودہ صوبہ چنگھائی میں)۔ ان میں یانگسی، دریائے پیلا، دریائے سندھ، میکونگ، گنگا،  سلوین اور دریائے یارلونگ سانگپو (دریائے برہم پترا) شامل ہیں۔ تبت کو ایشیا کا “واٹر ٹاور” کہا جاتا ہے۔ چین، تبت میں پانی کے منصوبوں میں بہت زیادہ سرمایہ کاری کر رہا ہے۔

دریائے یارلونگ سانگپو