ناروے کپ کے سنسنی خیز مقابلے کے بعد پاکستان مسلم ہینڈز اسٹریٹ چائلڈ فٹبال ٹیم نے کواٹر فائنل کیلئے کوالیفائی کر لیا۔

سنسنی خیز مقابلے میں مسلم ہینڈز اسٹریٹ چائلڈ فٹبال نے ناروے کےسٹرنڈیم کلب کو 3-2 سے شکست دے دی۔
اسٹریٹ چائلڈ فٹبال ٹیم نے ناروے کے خلاف آخری سیکنڈ میں گول کرکے میچ جیت لیا۔ناروے میں پاکستانی کمیونٹی نے میچ جیتنے کےبعد خوب جشن منایا اسٹریٹ چائلڈ فٹبال ٹیم نے میچ کے پہلے ہاف میں2 کے مقابلے 1گول اسکور کیا۔ جبکہ دوسرے ہاف میں 2گول اسکور کرکے کواٹر فائنل میں جگہ بنا لی ہے
مسلم ہینڈز اسٹریٹ چائلڈ فٹبال ٹیم کی جانب سے عبیداللہ، محمد کاشف، محمد عیسیٰ نے ایک ایک گول اسکور کیا۔اسٹریٹ چائلڈ فٹبال ٹیم کل اپنا کواٹر فائنل میچ جرمنی کے خلاف کھیلے گی۔

یاد رہے مسلم ہینڈز ٹیم 2023میں ایونٹ کی ناقبل شکست ٹیم رہی تھی۔