یونان: کورفو جزیرے میں امریکی سیاح مردہ پایا گیا

یونان (خالد مغل) ایک 55 سالہ امریکی سیاح جو کہ گزشتہ منگل کے روز سے لاپتہ تھا کی لاش اتوار کو متھراکی کی پرانی بندرگاہ کے قریب سمندر پر ساحل سے گزرنے والے ایک شخص نے دریافت کرلی۔

یونان میں حال ہی میں سیمی جزیرے میں ایک برطانوی پریزنٹر اور ساموس میں ایک 74 سالہ ڈچ باشندے کی المناک موت کے بعد یہ تیسرے سیاح کی موت ہے۔

متھراکی میں چھٹیاں گزارنے والا یہ امریکی شخص منگل کو لاپتہ ہو گیا تھا اور جمعرات کو ایک دوست نے اس کے لاپتہ ہونے کی اطلاع پولیس کو دی تھی، جس کے بعد پولیس نے گمشدہ سیاح کی تلاش شروع کر دی تھی۔

حکام اس لاش کا کورفو ہسپتال میں پوسٹ مارٹم کرنے کا ارادہ رکھتے ہیں۔

حال ہی میں یونان میں کسی سیاح کے گمشدگی کے بعد مردہ پائے جانے کا یہ تیسرا بڑا واقعہ ہے۔