Kaaba in Mecca Saudi Arabia
سعودی عرب کی وزارت دفاع نے رواں سال حج کے موقع پر سعودی ریڈ کریسنٹ اتھارٹی اور پریزیڈنسی آف اسٹیٹ سکیورٹی کے تعاون سے ایئر ایمبولینس سروس فراہم کی ہے۔ اس سروس کی ذمہ داری وزارت دفاع کی نمائندہ سکیورٹی ایوی ایشن اتھارٹی کو سونپی گئی ہے۔ وزارت دفاع دُنیا کے جدید ترین ہنگامی طبی آلات سے لیس جدید طیاروں سے حج سیزن میں عازمین کو ہنگامی ایئرلیمنس سروس متعارف کرائی گئی ہے۔
مشن کے اسسٹنٹ کمانڈر بریگیڈیئر جنرل ڈاکٹر بندر بن محمد الجعید نے سعودی پریس ایجنسی (اے ایس پی) کو بتایا کہ اس سال مسلح افواج کی طبی خدمات سے تعلق رکھنے والے ہیلی کاپٹر اور جیٹ ایئر میڈیکل انخلاء کے طیارے چوبیس گھنٹے مدد کے لیے لیس ہیں۔ یہ طیارے ہنگامی حالات میں زیادہ بیمار عازمین کو ان کی نازک حالت کے مطابق ہسپتالوں میں منتقل کریں گے۔
انہوں نے اس بات پر زور دیا کہ طبی انخلاء ہمیشہ جدید فضائی طبی خدمات کے میدان میں تیز رفتاری سے اپنے مشن کوانجام دینے کی کوشش کرتا ہے۔
اندرون و بیرون ملک ہسپتالوں کے لیے تیار کردہ ہنگامی طیاروں کو ایمرجنسی ہسپتالوں کے طور پر تیار کیا گیا ہے جس میں آپریٹنگ، ریکوری اور انتہائی نگہداشت کے کمرے، لیبارٹریز، ریڈیولوجی یونٹس اور ایک آکسیجن مشین جو ہوائی جہاز کے اندر 4 گھنٹے کام کرتی ہے جیسی سہولیات شامل ہیں۔
حجاج کرام کی صحت اور ان کی طبی سہولیات کے لیےاٹھائے گئے اقدامات خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان بن عبدالعزیز کی عازمین کی آسانی کے لیے کی گئی کاوشوں کا تسلسل ہیں۔ مملکت کی قیادت نے حج کے موقعے پر حجاج کرام کو طبی سہولیات سمیت دیگر بہترین خدمات کی فراہمی کا عزم رکھا ہے۔
