اردو ٹریبیون (لاہور ڈیسک)
بیجنگ: چین میں قائم دنیا کے بلند ترین پُل پر لوڈ ٹیسٹ کو کامیابی سے مکمل کرلیا گیا۔
غیر ملکی میڈیا کے مطابق چین کے صوبے گوئی چو میں واقع ’ہواجیانگ گرینڈ کینین‘ نہ صرف دنیا کا سب سے بلند بلکہ پہاڑی علاقے میں بنایا گیا سب سے طویل ترین پل بھی ہے۔
رپورٹ کے مطابق پل پر بیک وقت 96 ٹرک کھڑے کیے گئے اور چلائے گئے جن کا مجموعی وزن 3 ہزار 300 ٹن تھا۔ یہ ٹیسٹ پانچ دن کے دوران مکمل کیا گیا۔
چینی حکام کے مطابق پل کو رواں سال ستمبر کے آخر میں عام ٹریفک کے لیے کھول دیا جائے گا۔ واضح رہے کہ ’ہواجیانگ گرینڈ کینین‘ پل 2,890 میٹر طویل ہے اور دریا سے 625 میٹر بلندی پر واقع ہے۔