اردو ٹریبیون (لاہور ڈیسک)
ستمبر 2025 کے آغاز میں شہریوں کو خوشخبری ملنے والی ہے کیونکہ متواتر تین تعطیلات متوقع ہیں جو مذہبی، قومی اور سماجی جوش و خروش سے منائی جائیں گی۔
رویتِ ہلال کمیٹی اور محکمہ موسمیات کے مطابق، ربیع الاول کا چاند 24 اگست 2025 (اتوار) کو نظر آنے کا امکان ہے، جس کے تحت 12 ربیع الاول 5 ستمبر بروز جمعہ کو ہوگی۔ اس موقع پر عام تعطیل دی جائے گی۔
اس کے اگلے روز 6 ستمبر (ہفتہ) کو یومِ دفاعِ پاکستان کے موقع پر بھی چھٹی متوقع ہے، جبکہ 7 ستمبر (اتوار) کو معمول کی ویک اینڈ ہالی ڈے ہوگی۔
یوں شہریوں کو 5، 6 اور 7 ستمبر کو لگاتار تین دن کی تعطیلات میسر آنے کا امکان ہے، جو تفریح، گھریلو مصروفیات اور مذہبی عقیدت کے ساتھ گزارے جائیں گے۔