پاکستان: سینیٹر شبلی فراز نے اسلام آباد ہائیکورٹ سے رجوع کر لیا

پاکستان تحریک انصاف کے رہنما سینیٹر شبلی فراز نے ایگزٹ کنٹرول لسٹ (ای سی ایل) سے نام نکلوانے کے لئے اسلام آباد ہائیکورٹ سے رجوع کر لیا

رجسٹرار آفس نے شبلی فراز کی درخواست کل پیر کوسماعت کے لیے مقرر کر دی۔

جسٹس طارق محمود جہانگیری کل شبلی فراز کی درخواست پر سماعت کریں گے۔

تحریک انصاف کے رہنما نے درخواست میں سیکرٹری داخلہ اور دیگر کو فریق بنایا ہے۔

واضح رہے شبلی فراز کے خلاف اسلام آباد، راولپنڈی اور پنجاب کے دیگر شہروں میں 20 سے زائد مختلف نوعیت کے مقدمات درج ہیں۔

عدالتوں نے ان کیسز میں شبلی فراز کی ضمانتیں منظور کی ہیں۔