ایڈہاک ججز کی تعینانی:چیف جسٹس کی سربراہی میں جوڈیشل کمیشن کا اجلاس آج
ایڈہاک ججز کی تعینانی سے متعلق جوڈیشل کمیشن کا اجلاس آج چیف جسٹس قاضی فائز عیسیٰ کی سربراہی میں ہوگا
جوڈیشل کمیشن اجلاس آج 3 بجے ہوگا جس کی صدارت چیف جسٹس قاضی فائز عیسٰی کریں گے، جس کے لیے سپریم کورٹ کے 4 ریٹائرڈ ججز کے نام تجویز کیے گئے ہیں۔
ایڈہاک ججز کے لیے جسٹس (ر) مشیر عالم، جسٹس (ر) مقبول باقر، جسٹس (ر) مظہر عالم میاں خیل اور جسٹس (ر) طارق مسعود کے نام شامل ہیں۔ جسٹس (ر) طارق مسعود اور جسٹس (ر) مظہر عالم میاں خیل رضامندی ظاہر کر چکے ہیں۔
ریٹائرڈ ججز کے نام چئیرمین جوڈیشل کمیشن چیف جسٹس قاضی فائز عیسٰی کی طرف سے تجویز کیے گئے تھے۔
اس حوالے سے وفاقی وزیر قانون اعظم نذیر تارڑ نے اپنے ایک بیان میں کہا تھا کہ آئین ایڈہاک ججز کی تعیناتی کی اجازت دیتا ہے، حکومت کی جانب سے ایڈہاک ججز کی تعیناتی کی حمایت کی گئی۔
دوسری طرف جسٹس (ر) مشیر عالم اور جسٹس (ر) مقبول باقر نے ایڈہاک جج بننے سے معذرت کی تھی۔
