یونانی جزیرے کریت پر 6.1 شدت کے زلزلے کے بعد جمعرات کو جزیرے پر ہنگامی صورتحال سے نمٹنے کے لئے تمام محکموں کو ہائی الرٹ پر کر دیا گیا ہے۔
یونان میں جنوبی جزیرے کریت میں 6.1 شدت کے زلزلے کے جھٹکے محسوس کئے گئے جس کے بعد سونامی کا الرٹ بھی جاری کردیا گیا۔
زلزلہ یونانی جزیرے کریت کے شمال میں جمعرات کو مقامی وقت کے مطابق صبح 6.19 بجے آیا۔ جس کے بعد مقامی افراد میں خوف و ہراس بھیل گیا ہے اور لوگ گھروں سے باہر نکل آئے۔
زلزلے کا مرکز جزیرہ کریت کے ساحلی علاقے ایلوندا (آئیو نیکولاس) سے تقریباً 36 میل دور تھا، جس کے بعد سونامی کے آنے کے خدشات نے مزید اضطراب پیدا کر دیا ہے۔
زلزلے کے باعث ابھی تک کسی قسم کے جانی یا مالی نقصان کی اطلاع نہیں ملی۔ تاہم، یونان کی فائر بریگیڈ کے مطابق کریت کے تمام دستے ہائی الرٹ پر ہیں اور کسی بھی ہنگامی صورت حال سے نمٹنے کے لئے فوری تیار ہیں۔
یورپی مغربی بحیرہ روم سیسمولوجیکل سینٹر نے بھی اس زلزلے کے بعد یونان، ترکی، اٹلی، فرانس اور پرتگال کے لئے سونامی کی وارننگ جاری کردی ہے۔