ایتھنز میں منہاج القران انٹرنیشنل کے زیرِ اہتمام جشن مولود کعبہ کانفرنس
ایتھنز میں منہاج القران انٹرنیشنل یونان کے زیراہتمام 13 رجب المرجب کی مناسبت سے جشن مولود کعبہ کانفرنس کا انعقاد کیا گیا۔ جس میں یونان میں مقیم پاکستانی کمیونٹی سے سیاسی، سماجی، صحافتی شخصیات سمیت محبان حیدر کرار نے شرکت کی۔
یونان (ڈیسک رپورٹ) اس کانفرنس کا آغاز کلام الہی سے کیا گیا جس کی سعادت حاجی بشیر عاصی نے حاصل کی، تلاوت کلام پاک کے بعد ثنا خوانوں نے آقاﷺ کی بارگاہ میں ھدیہ تبریک پیش کئے، استاد محمد لطیف نے منقبت علی پڑھ کر خوب داد وصول کی۔
شرکاء سے گفتگو کرتے ہوئے قاری مدثر مصطفیٰ نے اپنے بیان میں کہا کہ ہمارے آقاﷺ کا فرمان ہے علی کا چہرہ دیکھنا بھی عبادت ہے، علی کا نام جپنا بھی عبادت ہے سو اے علی والوں اسی لئے ہم ہر وقت علی علی کرتے ہیں، علی علی جپتے ہیں نبی آخر الزمانﷺ نے غدیر خم کے مقام پر مولا کائنات علی مرتضیٰ کا ہاتھ تھام کر فرمایا تھا جس کا میں مولا اسکا علی مولا سو منومنو خوشیاں مناؤ جشن مولود کعبہ مناؤ اسکی اجازت ہمیں ہمارے آقا و مولا دے کرگئے ہیں، کون علی وہ علی جن کی ولادت کعبہ کے اندر ہوئی جب فاطمہ بنت اسد کعبہ اللہ کا طواف کررہی تھی مولا علی کی ولادت قریب تھی تو کعبہ کی دیوار شک ہوگئی، ٹوٹ گئی، فاطمہ بنت اسد اندر چلی گئیں اور مولا علی کو جنم دیا۔
کانفرنس کے اختتام پر صدر منہاج القران انٹرنیشنل یونان ارسلان خرم چیمہ نے آنے والوں مہمانوں کا شکریہ ادا کیا اور ولادت علی علیہ السلام کی مبارکباد دی۔
