آل کراچی وہیل چئیر باسکٹ بال ٹورنامنٹ: لیاری کے کلب “کراچی لائنز” نے فائنل جیت لیا
نیا ناظم آباد آل کراچی وہیل چئیر باسکٹ بال ٹورنامنٹ کراچی لائنز نے جیت لیا- سید محمد طلحہ
اقوام متحدہ کا عالمی دن برائے معذورین نیا ناظم آباد میں شایان شان طریقے سے منایا گیا- سلمان کریم مغل
کراچی (ڈیسک) اقوام متحدہ کے عالمی دن برائے معذورین کی تقریبات کے سلسلے میں نیا ناظم آباد آل کراچی وہیل چیئر باسکٹ بال ٹورنامنٹ میں کراچی کے مختلف علاقوں سے تعلق رکھنے والی چھ ٹیموں نے جوش و خروش سے شرکت کی اور بہترین کھیل کا مظاہرہ کرتے ہوئے اپنی صلاحیتوں کا لوہا منوایا۔
ٹورنامنٹ میں کراچی لائنز، کراچی ٹائیگرز، کراچی گلیڈییٹرز، کراچی ایگلز، کراچی کنگ اور کراچی بلز کی ٹیموں نے حصہ لیا۔
سخت مقابلوں کے بعد لیاری سے تعلق رکھنے والی ٹیم کراچی لائنز فاتح قرار پائی، جبکہ کراچی گلیڈیٹر رنرز اپ رہی۔
لیاری کے شاہد رشید اور بلدیہ کے زین العابدین انصاری ٹورنامنٹ کے بہترین کھلاڑی قرار پائے۔
اختتامی تقریب کے مہمان خصوصی محمد طلحا صدر نیا ناظم اباد جیم خانہ نے کامیاب ٹیموں اور کھلاڑیوں میں ٹرافی، شیلڈز اور نقد انعامات تقسیم کئے۔
اس موقع پر پاکستان ویل چیئر باسکٹ بال کے سیکرٹری سلمان کریم مغل اور فنانس سیکریٹری پاکستان ویل چیئر باسکٹ بال مس ماہ پارہ کریم مغل نے اپنے والد پروفیسر عبد الکریم مغل (مرحوم) ریٹائرڈ پرنسپل گورنمٹ کالج آف فیزیکل ایجوکیشن کراچی کی یادگاری شیلڈ اور نقد انعامات تقسیم کئے۔
تقریب کی صدارت سید محمد طلحہ، صدر، نیا ناظم آباد جمخانہ نے کی۔ تقریب میں ٹورنامنٹ اسپانسرز محمود شیخ، توصیف الرحمن اور محمد سارم نے خصوصی شرکت کی۔
کراچی کے نامور سماجی، میڈیا اور کھیلوں سے تعلق رکھنے والی شخصیات محمد خالد رحمانی، حاجی غلام محمد، سید حسن اکبر زیدی، محترمہ شاہدہ شعیب، سید فیضان باقر نقوی، سید مشرف علی شاہ، میر شاہ محمد، عبد الجبار سومرو، محمد کلیم اعوان، سید سخاوت علی، مقصود احمد، حمیرا صدیقی، ہما بانو شوکت، امبرین فاطمہ، محمد آصف، متین احمد آفریدی، الطاف احمد، ناصر حبیب، محمد یونس حسین، مہوش یونس، مس صائم، مس امرین فاطمہ، اختیار عباس نے بھرپور شرکت کی اور ویل چیئر ٹورنامنٹ کے کھلاڑیوں کی شاندار کارکردگی کو خوب سراہا۔
ٹیکنیکل آفیشلز کے فرائض بین الاقوامی تربیت یافتہ افراد الطاف حبیب، عمران گھانچی، ناصر چوغلے، ساجد علی، غلام کونین، عبد الغنی، بشیر الدین، سید شہریار علی، مہ پارہ کریم مغل نے سر انجام دیئے۔
پاکستان میں اپنی نوعیت کے سب سے پہلے اس منفرد ٹورنامنٹ کے روحِ رواں ڈاکٹر سلمان کریم مغل(سیکرٹری پاکستان ویل چیئر باسکٹ بال) اور محمد آصف تھے جن کی کارکردگی کو سراہتے ہوئے کھلاڑیوں اور مہمانوں نے آئندہ مستقبل میں بھی مزید ویل چیئر باسکٹ بال ٹورنامنٹس کرانے کیلئے درخواست کی اور انہیں کامیاب ٹورنامنٹ کرانے پر مبارک باد پیش کی۔
