یونان میں طوفانی بارش سے ڈیم بھر گیا پانی نے تباہی مچا دی، 2 افراد جاں بحق
یونان میں گزشتہ رات شدید طوفانی بارش نے تباہی مچا دی یونانی محکمہ موسمیات کے مطابق بارش پیر تک جاری رہے گی۔ شہریوں کو ایمرجنسی حفاظتی الرٹ جاری کر دیئے گئے۔
ایتھنز (خالد مغل) یونان میں گزشتہ رات طوفانی بارشوں نے یونانی جزیرہ لیمنوس اور رودوس میں تباہی مچا دی ہے۔
لیمنوس جزیرے پر ڈیم پانی سے بھر گیا جس نے گردو نواح کے علاقوں میں تباہی مچا گئی۔
شہری دفاع کے ادارے 112 نے شہریوں کو موبائل پر ایمرجنسی الرٹ جاری کرتے ہوئے ڈیم کے گرد و نواح کے علاقے کو فوری خالی کرنے کا الرٹ جاری کر دیا۔
ہوٹلوں سے سیاح اور شہریوں کو بسوں کے ذریعے محفوظ علاقوں میں منتقل کر دیا گیا۔
ایک 57 سالہ یونانی اپنے فارم پر جانوروں کو بچانے گیا مگر اس کی گاڑی پانی اور گارے میں پھنس گئی، جس کے بعد اس کی گاڑی سے اس کی جیکٹ اور موبائل فون ملا اور اس کی لاش پانی میں سے برآمد کی گئی۔
جبکہ لیمنوس جزیرے پر ہی ایک اور 75 سالہ یونانی شہری اپنے گھر سے پانی نکالتے ہوئے پھسل کر جاں بحق ہو گیا۔
جزیرہ رودوس: میں بھی طوفانی بارش نے سیلابی صورت اختیار کرتے ہوئے تباہی مچا دی اور مکانوں میں پانی بھر گیا اور گاڑیاں سڑکوں پر تیرنے لگیں۔
جزیروں پر بجلی منقتطع ہع گئی اور مواصلاتی نظام بھی دھرم بھرم ہو کر رہ گیا، لوگ گھروں میں قید ہو کر رہ گئے ۔
کچھ لوگوں کے گھروں میں پانی بھرنے سے وہ بے گھر ہو گئے اور ان کے پاس سر چھپانے کی جگہ نہیں تھی مگر ریستی اداروں نے انہیں محفظ مقامات محیا کئے۔
ملک بھر میں طوفانی بارشوں نے فصلوں اور املاک کو بری طرح متاثر کرتے ہوئے زبردست نقصان پہنچایا ہے۔
جبکی یونان کے شمالی علاقوں میں موسمِ سرما کی پہلی برفباری ہوئی، شہر اور پہاڑوں نے سفید چادر اوڑھ لی ہے۔
