نیشنل ایکشن پلان اپیکس کمیٹی اجلاس موخر، اب کل ہو گا

وزیرِ اعظم شہباز شریف کی زیرِ صدارت نیشنل ایکشن پلان کی اپیکس کمیٹی کا آج ہونے والا اجلاس مؤخر کر دیا گیا۔

ذرائع کے مطابق نیشنل ایکشن پلان کی اپیکس کمیٹی کا اجلاس اب کل ہو گا۔

کل ہونے والے اجلاس میں آرمی چیف، ڈی جی آئی ایس آئی، ڈی جی ایم آئی، ڈی جی آئی بی، تمام صوبوں کے وزرائے اعلیٰ، اہم وفاقی وزراء اور دیگر ارکان شرکت کریں گے۔

 اپیکس کمیٹی کے اجلاس میں دہشت گردی کے بڑھتے واقعات بالخصوص امنِ عامہ کی صورتِ حال پر تبادلہ خیال کیا جائے گا۔

وزیرِ اعظم شہباز شریف نے نیشنل اپیکس کمیٹی کا اجلاس آج دن ڈھائی بجے طلب کیا تھا جو کل تک مؤخر کر دیا گیا ہے۔