پاکستان:لاہور پھر دنیا کا آلودہ ترین شہر بن گیا
پنجاب میں فضائی آلودگی ,سموگ کے باعث لاہور دھندلا گیا، ایک بار پھر دنیا کا آلودہ ترین شہر بن گیا۔
لاہور میں سموگ کی اوسط شرح میں خطرناک حد تک اضافہ ہوا ہے، شہر لاہور کا مجموعی ایئر کوالٹی انڈیکس (اے کیو آئی) ایک ہزار سے تجاوز کر گیا، ڈیفنس (ڈیفنس ہاوسنگ سوسائٹی) کے علاقے کا ایئر کوالٹی انڈیکس 1853، لبرٹی چوک میں 1208 تک جا پہنچا ہے۔
اسی طرح شملہ پہاڑی کے اطراف کا ایئر کوالٹی انڈیکس 1007 تک پہنچ گیا ہے۔
فضائی آلودگی کے باعث لاہور میں سانس کے مسائل سامنے آ رہے ہیں جبکہ آنکھوں میں جلن کی شکایات بھی ہیں، طبی ماہرین نے شہریوں کو ماسک پہن کر باہر نکلنے کی ہدایت کی ہے۔
دوسری جانب فضائی آلودگی کے اعتبار سے بھارت کا شہر کولکتہ311 اے کیو آئی کے ساتھ دوسرے اور دہلی258 اے کیو آئی کے ساتھ تیسرے نمبر پر ہے۔
Load/Hide Comments
