ستائیس (27) فلسطینی طلبا پاکستان پہنچ گئے

غزہ سے تعلق رکھنے والے مزید 27 فلسطینی طلبا میڈیکل اور ڈینٹل کی تعلیم حاصل کرنے کے لیے پاکستان پہنچ گئے۔

صدرالخدمت فاؤنڈیشن پاکستان ڈاکٹرحفیظ الرحمان، حکومتی حکام سمیت دیگر نے طلبا کا ایئرپورٹ پراستقبال کیا۔

ڈاکٹرحفیظ الرحمان نے کہا کہ پہلے مرحلے میں غزہ کے 192 فلسطینی طلبا مختلف پروازوں کے ذریعے پاکستان پہنچیں گے۔

انہوں نے کہا کہ پاکستان پہنچنے والے فلسطینی طلبا الخدمت فاؤنڈیشن، گلوبل ریلیف ٹرسٹ، ڈاکٹرز آف رحمان کی فنڈنگ سے پاکستان کے مختلف طبی اداروں میں اپنی میڈیکل اور ڈینٹل کی تعلیم جاری رکھیں گے