ناروے کپ میگاایونٹ کا سنسنی خیز کواٹر فائنل ، پاکستان نے جرمنی کو ہرا کر سیمی فائنل کیلئے کوالیفائی کر لیا۔ سنسنی خیز مقابلے میں قومی اسٹریٹ چائلڈ فٹبال نے جرمنی کی ٹیم کو 3-2 سے شکست دے دی۔

اردو ٹریبیون (اوسلو، ناروے) ناروے میں ہونے والے عالمی یوتھ فٹبال کپ مین اسٹریٹ چائلڈ مسلم ہینڈز فٹبال ٹیم نے انڈر 17 کواٹر فائنل میں جرمنی کی ٹیم “جے ایس جی” کے خلاف آخری منٹ میں گول کرکے میچ جیت لیا ہے۔  جیت کے بعد ناروے کے میدان کی فضا پاکستان زندہ آباد اور نعرہ تکبیر کے نعوروں سے گونج آٹھی اور پاکستانی کمیونٹی نے خوب جشن منایا۔

کواتر فائینل کے میچ میں مسلم ہینڈز فٹبال ٹیم نے میچ کے پہلے ہاف میں1گول اسکور کیا۔ جبکہ دوسرے ہاف میں 2گول اسکور کرکے سیمی فائنل میں جگہ بنا لی  مسلم ہینڈز فٹبال ٹیم کی جانب سے محمد کاشف نے2،محمد جنید نے ایک گول اسکور کیا۔ اسٹریٹ چائلڈ فٹبال ٹیم آج رات سیمی فائنل میں مقابلہ کرے گی۔

یاد رہے مسلم ہینڈز فٹبال ٹیم 2023میں ایونٹ کی ناقبل شکست ٹیم رہی تھی۔