کینیڈا: سکھ فار جسٹس کے زیراہتمام سکھوں کے علیحدہ وطن خالصتان کے قیام کیلئے کینیڈا کے شہر کیلگری میں ریفرنڈم کا انعقاد
کینیڈا میں ہزاروں سکھ، خواتین اور بوڑھے افراد ووٹ ڈلنے کے لئے موجود
رپورٹ: مجتبی علی شاہ ریزیڈنٹ ایڈیٹر اردو ٹریبیون
سکھ فار جسٹس کے زیراہتمام سکھوں کے علیحدہ وطن خالصتان کے قیام کیلئے کینیڈا کے شہر کیلگری میں ریفرنڈم کا انعقاد کیا گیا۔ ریفرنڈم رکوانے کیلئے بھارت کی تمام کوششیں ناکام، مزید پریشانی، کیلگری میں بھی ہزاروان سکھ ووٹ ڈالنے کیلئے گھروں سے نکل آئے.
کینیڈا میں تقریبا دس لاکھ اور کیلگری مین ایک لاکھ سے زائد سکھ آباد ہیں۔ پرامن ماحول میں ووٹنگ کا آغاز ہوگیا، ووٹنگ کے آغاز سے قبل دعائیہ تقریب بھی منعقد ہوئی۔ ریفرنڈم میں شہدا کے خاندان کے افراد نے ووٹ ڈال کر ووٹنگ کا آغاز کیا گیا جبکہ ووٹنگ کا وقت شروع ہونے سے قبل ہی ووٹ ڈالنے کے لئے طویل قطاریں لگ گئیں۔ ووٹنگ سینٹر کی فضا خالصتان لے کر رہیں گے اور دہلی بنے کا خالصتان کے نعروں سے گونجتی رہی دعائیہ تقریب کے بعد مذہبی اور خالصتان کے قیام کیلئے فلک شگاف نعرے لگائے گئے
بھارت کچھ بھی کرلے سکھوں کی تحریک کو روک نہیں سکتا، سکھ کمیونٹی
ووٹ ڈالنے والے سکھ کمیونٹی کا اظہار خیال کرتے ہوئے کہا کہ بھارت کچھ بھی کرلے سکھوں کی تحریک کو روک نہیں سکتا۔ سکھ کمیونٹی کا کہنا تھا کہ نریندر مودی مسلمانوں سکھوں اور دیگر اقلیتوں کا دشمن ہے، بھارت سے جنگ نہیں بلکہ جمہوری عمل کے ذریعے آزادی لینا چاہتے ہیں، بھارت سکھ کمیونٹی کو خالصتان کی آزادی کے حصول سے کبھی نہیں روک سکتا،
سکھ کمیونٹی نے کہا کہ کینیڈا حکومت نے بھارتی مطالبے کے باوجود ریفرنڈم کی اجازت دے کر حق کا ساتھ دیا ہے اور سکھ جنگ کی بجائے جمہوری طریقے سے وطن کے حصول کیلئے کوشاں ہی۔ بھارت نے سکھ کمیونٹی کی قیادت کو راستے سے ہٹانے کی ہر ممکن کوشش کر ڈالی ہے جو پوری نہ ہو سکے گی۔
