کینیا میں حکومت کی مجوزہ ٹیکسوں میں اضافے کے خلاف لوگ سڑکوں پر نکل آئے۔ جس میں پولیس فائرنگ سے 10 افراد ہلاک جبکہ 50 سے زائد زخمی ہو گئے۔

غیر ملکی خبر رساں ایجنسی کے مطابق  کینیا میں ٹیکسوں میں اضافے کے خلاف احتجاج کیا گیا۔ اس دوران پولیس فائرنگ سے 10 افراد ہلاک ہو گئے جبکہ متعدد ذخمی ہوگئے۔ دارالحکومت نیروبی میں سیکڑوں مظاہرین نے پارلیمنٹ کی عمارت پر دھاوا بول دیا۔ مظاہرین نے عمارت میں گھس کر مختلف حصوں میں آگ لگا دی۔

اس موقع پر پولیس نے مظاہرین کو منتشر کرنے کے لیے براہ راست فائرنگ کی۔مظاہرین کو منتشر کرنے کے لیے پولیس نے آنسو گیس کی شیلنگ کی اور پانی کی توپیں چلائیں، مظاہرین نے پولیس کی گاڑیوں پر پتھراؤ کیا۔