اردو ٹریبیون (لاہور ڈیسک)
محکمہ موسمیات کے مطابق رواں سال کا دوسرا مکمل چاند گرہن 7 اور 8 ستمبر کی درمیانی شب پاکستان سمیت دنیا کے مختلف حصوں میں دیکھا جا سکے گا۔ یہ نایاب منظر یورپ، ایشیا، آسٹریلیا، افریقا، شمالی اور جنوبی امریکا میں بھی نظر آئے گا۔
پاکستانی وقت کے مطابق
- رات 8 بجکر 28 منٹ پر چاند کی روشنی مدہم ہونا شروع ہوگی۔
- 9 بجکر 27 منٹ پر جزوی چاند گرہن کا آغاز ہوگا۔
- 10 بجکر 31 منٹ پر مکمل گرہن شروع ہوگا۔
- 11 بجکر 12 منٹ پر چاند گرہن اپنے عروج پر ہوگا۔
- 11 بجکر 53 منٹ پر مکمل گرہن ختم ہوگا۔
- 12 بجکر 57 منٹ پر جزوی گرہن کا اختتام ہوگا۔
- رات 1 بجکر 55 منٹ پر چاند گرہن مکمل طور پر ختم ہو جائے گا۔
محکمہ موسمیات کے مطابق، اسی ماہ 21 اور 22 ستمبر کو سال کا دوسرا اور آخری جزوی سورج گرہن بھی ہوگا، جو آسٹریلیا کے جنوبی حصے، بحرالکاہل، بحرِاوقیانوس اور انٹارکٹیکا میں دیکھا جا سکے گا، تاہم پاکستان میں اس کا مشاہدہ ممکن نہیں ہوگا۔