اردو ٹریبیون (لاہور ڈیسک)
پاکستان کرکٹ بورڈ (پی سی بی) نے ایشیا کپ ٹی ٹوئنٹی فائنل میں بھارت کے ہاتھوں شکست کے بعد قومی کرکٹرز کو جاری کیے گئے غیر ملکی لیگز کے این او سی معطل کرنے کا فیصلہ کیا ہے۔
پی سی بی کے چیف آپریٹنگ آفیسر سمیر احمد کی جانب سے باضابطہ نوٹیفکیشن جاری کیا گیا ہے جس کے تحت آسٹریلیا کی بگ بیش لیگ میں شرکت کے لیے جاری کیے گئے این او سی ہولڈ پر رکھ دیے گئے ہیں۔
اس فیصلے سے پاکستان کے ٹاپ کھلاڑی براہِ راست متاثر ہوں گے جن میں کپتان بابراعظم، شاہین شاہ آفریدی، محمد رضوان اور فہیم اشرف شامل ہیں۔
ذرائع کے مطابق پی سی بی یہ اقدام کھلاڑیوں کی کارکردگی بہتر بنانے اور آئندہ سیریز پر توجہ مرکوز رکھنے کے لیے کر رہا ہے۔