اردو ٹریبیون (لاہور ڈیسک)
ایشیا کپ 2025 کے دوسرے میچ میں بھارت نے یو اے ای کو یکطرفہ مقابلے میں 9 وکٹوں سے شکست دے دی۔ دبئی کرکٹ اسٹیڈیم میں کھیلے گئے میچ میں بھارت نے ٹاس جیت کر یو اے ای کو بیٹنگ کی دعوت دی، یو اے ای کی پوری ٹیم 13.1 اوورز میں 57 رنز بنا کر آؤٹ ہوگئی۔
یو اے ای کی جانب سے علی شان شرفو 22 اور کپتان محمد وسیم 19 رنز کے ساتھ نمایاں رہے، باقی کھلاڑی ڈبل فیگر میں داخل نہ ہو سکے۔ بھارت کی جانب سے کلدیپ یادو نے شاندار باؤلنگ کرتے ہوئے 4 وکٹیں حاصل کیں جبکہ شوم دوبے نے 3 کھلاڑیوں کو آؤٹ کیا۔
جواب میں بھارت نے 58 رنز کا ہدف 4.3 اوورز میں ایک وکٹ کے نقصان پر پورا کیا۔ ابھیشیک شرما 30 رنز بنا کر آؤٹ ہوئے جبکہ شبھمن گل 20 اور کپتان سوریا کمار یادو 7 رنز کے ساتھ ناٹ آؤٹ رہے۔
واضح رہے کہ ایشیا کپ کے گروپ اے میں بھارت اور یو اے ای شامل ہیں، جبکہ پاکستان اور بھارت کا ٹاکرا 14 ستمبر کو دبئی میں شیڈول ہے۔